ناكل ايه عشان نهتم بصحتنا

حسب الدراسة اللي نشرت في جامعة هارفارد سنة 2023 واللي كانت معمولة على مجموعة من الشباب من سن 20 لسن 44 سنة، الي ارتفاع الإصابة بمرض الضغط المرتفع إلى 12%و 04% من مرض السكر النوع الثاني، وارتفاع نسبة السمنة ما بينهم إلى 44%، واللي أرجعت الدراسة السبب في ده إلى اسلوب الحياة المعيشية بتاعتهم .

إزاي نهتم بصحتنا واللي لخصناها في ثلاث خطوات؟

 أول حاجة الأكل الصحي، تاني حاجة وهي الحركة، تالت حاجة وهي النوم، والمرة دي حنتكلم فيها عن الأكل.

وقبل ما نتكلم إن نحنا ناكل إيه أو ما ناكلش إيه؟ لازم الأول نفهم جسمنا شغال إزاي؟ بحيث نعررف نديله إيه من العناصر المهمة اللي يخليه دايما في صحة وفي قوة .

جسمك بيتكون تقريبا من 37 ترليون خلية إللي بيكون في شكل الهيكل العظمي إللي وظيفته الأساسية هي إنه يدينا الشكل ويحمي الأعضاء الداخلية واللي بيتغطى بعضلات اللي بيدينا القوة.

ده بالإضافة إلى بعض الأعضاء الداخلية زي المخ والجهاز التنفسي والقلب والجهاز الهضمي، وبيغطي كل ده طبقة من الدهون ومن الجلد.

وخلال فترة حياتك الخلايا دي بتموت وبتتجدد وجسمك عشان يجددها محتاج إلى بعض العناصر المهمة زي الهيدروجين والكربون والناتروجين والأوكسجين والفوسفور وبعض العناصر الأخرى، أنت متخيل مدى تعقيد جسمك، وإنه محتاج نظام غذائي متوازن عشان تفضل بصحة وبعافية، وتيجي إنت مجرد إنك تديها أي أكل عبارة عن نودلز اسهلة التحضير أو الوجبات السريعة وخلاص على كده.

 

جسمك ده فعليا لو بيتكلم  حيسيبك ويجري لأنك فعليا كدة بتنتحر، وبالتالي أنت المفروض قبل ما تاكل أي أكل تسأل نفسك هو الأكل ده مفيد ولا مضر ؟

إيه ده؟ يعني مكلش الأكل اللي أنا بحبه زي البطاطس المحمرة والفراخ المحمرة والطعمية والجبنة المقلية والأكل الحلو اللي مليان زيت ده .

طبعا لأ أنت ليه بتتعامل مع جسمك على إنه موتور ومحتاج إنك تغير له زيت كل فترة.

 طيب ناكل إيه؟وقبل ما جاوبكم ناكل إيه؟ لازم نحط في اعتبارنا نقطتين مهمين:

 أول حاجة: إن جسمك مش ملكك، دي أمانة ربنا سبحانه وتعالى عطيهولك الي أن يتوفاك الله بعد عمر طويل وهيحاسبك عليه.

تاني حاجة:لازم نتعامل مع الأكل مش بحب إيه؟ وبكره إيه؟ لإن للأسف مش كل إللي بنحبه بيكون مفيد.

 يعني لو حبيت أقرب لكم الموضوع على سبيل المثال :عندك عربية وأنت بتحب المياه الغازية، هل أنت بتحط في التانك بنزين ولا مياه غازية؟ أكيد طبعا بتحط بنزين لإن هي محتاجة كده، نفس النظام في جسمك محتاج عناصر غذائية مش موجودة في صنف واحد من الأكل، ومع ذلك أنت مصمم إنك تديها؟ كم صنف من الأكل وخلاص على كده.

يعني ناكل إيه؟

 ناكل زي جدودنا مكانوا بياكلوا.

 أولا : نمنع الأكل الضار من زيوت كتيرة وسكريات كتيرة، والأكل اللي بيحتوي على مواد حافظة بكميات كبيرة

 صحيح إن الأكل مبقاش فيه نفس القيمة الغذائية زي الأول، بس ما اتكملش على جسمك، يعني تكون خطة أكلك كالآتي بروتين وخضار وسلطة، وشوية عيش أو رز، في الآخر، إيه ده؟يعني نمنع العيش ورز والمكرونة لأ.

بس عمرك شفت دكتور بيقول لحد أنت شكلك خفتان فمحتاجة إنك تفطر ب 6 ارغفة  وتتغدى بكيلو رز وتتعشى بكيلو مكرونة؟ أكيد لأ طبعا يعني قلل اللي مش مفيد وزود من المفيد

طب لو أنا برا في مشوار أو في الجامعة مثلا أعمل إيه؟

 يفضل إنك تاخد معاك في شنطتك ساندوتشات من البيت زي مثلا بيض أو جبنة أو فول ويكون معاك خيار أو فاكهة حيكون أنضف وأرخص لك من إنك تشتري حاجة من برا

ولو الدنيا قفلت معاك وخلاص قررت إنك مش عارف تشيل أو مش عايز تشيل أي حاجة معاك.

فاختار الأكل الأقل ضررا إللي هو بيكون أقل حاجة بتحتوي على الزيت.

صحيح الموضوع مش سهل ومحتاجة مجهود بس افتكر إن ثروتك الحقيقية في صحتك، وتستاهل إنك تتعب عشانها

 

تعديل المقال