عشان خاطر نهتم بصحتنا بتتلخص في تلات
نقاط، أول حاجة شرب الميه والأكل الصحي، تاني حاجة وهي الحركة كانت حاجة وهي
النوم، والمرة دي هنتكلم فيها عن الحركة، وقبل ما نتكلم عن الحركة عايز محبي
الكرتون يفتكروا معايا فيلم WALL E إللي صدر سنة 2008.
وإللي بيتكلم على إن البشر بسبب
التلوث إللي منتشر في الأرض، فاضطروا إن هما يعملوا سفن
فضاء ويطلعوا يعيشوا فيها، وسابوا في الأرض روبرت صغير، دوره إن هو ينضف الأرض إلى
أن تصلح للعيشة مرة اخري .
عايزكم تركزوا معايا على مشهدين، المشهد الأول
هو عيشة البشر في سفن الفضاء، إللي تقريبا ما كانوش بيقوموا بأي مجهود ولا بأي
حركة، كل حاجة عايزين يعملوها، كان الروبوتس بتقوم بيها، أكل، شرب، لبس، كل حاجة،
الروبوتس هي إللي كانت بتقوم فيها، أنا عارف إن ده حلم ستات كتير، دلوقتي ما
علينا، وبسبب قلة الحركة نسبة الكتلة العضلية بتاعتهم قلت والدهون عندهم بقت
نسبتها عالية وده طبعا بسبب قلة الحركة.
والمشهد التاني إللي عايزكم تفتكروه
معايا.
هو لما حصلت مشكلة ما بين الروبتس وما
بين البني آدمين واضطر البني آدمين إن هما يقوموا يتحركوا على رجليهم، وإللي كانت
مشهد مضحك جدا كأنهم أطفال بيحاولوا يتعلموا الحركة مع إنهم كبار،
وده طبعا بسبب إن هما ما بيستخدموش
عضلاتهم ولا حتى فكروا إن هما يتحركوا في مرة من المرات، وعشان كده خلى جسمهم ضعيف
جدا،
وهنا ييجي السؤال المهم هو عشان
أحافظ على صحتي المفروض أقوم أتحرك ولا أريح جسمه؟
قبل ما نجاوب على السؤال، خلينا نغوص
في تفاصيل الجسم ونعرف إيه هي الأجزاء المسؤولة عن الحركة، هما جزئين مهمين، أول
حاجة وهو الهيكل العظمي، تاني حاجة وهي العضلة،
الهيكل العظمي إللي هو مسؤول عن إن هو يدي الجسم
طول والعرض وفي نفس الوقت بيحمي الأعضاء الداخلية من أي مخاطر لا قدر الله، والعظم
بيتميز بصفتين عكس بعض، أول حاجة إن هو قوي وتاني حاجة وإن هو خفيف ومرن، تخيل أنت
لو إحنا بنتكلم على إن إحنا بنبني بيت فلازم نبني العمدان ولازم تكون قوية، فلو كان
العظم بتاعك تقيل مش حتعرف تتحرك
مش بس كدا كمان العظم مش كله حتة
واحدة، ده عبارة عن أجزاء متصلة ببعض، وما بين كل عظمتين بيكون فيه غضاريف عشان
تقلل الاحتكاك ما بين العض والغضاريف دية بتبقى سبحان الله نعمة جدا وقوية جدا وكمان
ربنا سبحانه وتعالى جعل ما بين كمان الغضاريف فيه سائل، السائل ده وظيفته إنه يبعد
العظم عن بعضه شوية وفي نفس الوقت يقلل الاحتكاك، سبحان الله في خلقك .
كمان العظم ليه دور مهم جدا في إنه
يكون كرات الدم الحمراء وكمان إفراز هرمون الإوستوكالسين وده ليه دور قوي
جدا في تظبيط السكر في الدم، وفي نفس الوقت بيظبط هرمون التوستيرون وليه دور مهم
جدا في إنه يظبط الكتلة العضلية وكمان حجم و قوة العضلة.
معلومة ليكم كده على المشي إللي بيزود
هرمون الإوستوكالسين هو الحركة ولعب الرياضة.
خلاص، إحنا كده اتكلمنا عن العضم ومهما نتكلم
فيه فيه تفاصيل تانية كتير، خلينا نخش على الجزء التاني.
يلا بينا نتكلم عن الجزء التاني وهي
العضلات.
الجزء التاني إللي مسؤول عن الحركة أو
إللي بيساعد في عملية الحركة هي العضلات , والعضلات مهمة جدا للإنسان لإنها بتكون
تقريبا 40% .
أنت متخيل العدد قد إيه؟ وإن أقل حركة
أنت بتعملها بتحتاج كمية من الطاقة والبروتين والفيتامينات والأملاح والمعادن، وإن
لازم أكلك يكون أكل صحي عشان خاطر تمد جسمك بالحاجات دي كلها.
ومعلومة ليكم للأسف جسم الإنسان ما بيقدرش
يحافظ على العضلات لمدة طويلة، لو أنت ما استخدمتهاش أو لوممرنتش العضلات .
و خليني أشرح لكم الموضوع أكتر، رواد
الفضاء إللي بيطلعوا لسفن فضاء وإللي بيروحوا لرحلات.
للأسف هم أكتر ناس بتكون معرضة لفقدان العضلات، خاصة في
الرحلات القصيرة، عشان كده حتى لما بيرجعوا بيقعدوا فترة طويلة لإعادة تأهيلهمللحركة،
وعشان يعالجوا المشكلة دي في سفن الفضاء في الرحلات الطويلة بيحلوا الموضوع ده بإن
يكون فيه جاذبية صناعية، وفي نفس الوقت يكون فيه جيم، عشان خاطر يستخدمه عضلاتهم
باستمرار، وما تقابلهمش، المشكلة دي لما يرجعوا للأرض.
وعلى النقيضين عضلاتك لو أنت اهتميت بيها،
واستمريت في التمرين والأكل الصحي، ممكن تتحول قوة ضربة إيدك لرقم كبير جدا، ولينا
في مايك تايسون المثل والقدوة في النقطة إللي كان بيعملها دي، لدرجة إن العلماء
بيقولوا إن قوة ضربة إيده ما تعادل 450 كيلو، يعني تقريبا قرب على 1/2 طن لإن هو
كان بيتمرن كتير جدا، وده خلاه يكسب 88% من ماتشات وبالضاربة القاضية، طب تخيل
الرقم كل ده عشان اهتم بالأكل والتمرين الصحيح؟
وهنا بقى نيجي لإجابة السؤال إللي
سألناها من شوية، هو أنا عشان أحافظ على جسمي استخدمه ولا أحركه كتير ؟
عشان تحافظ على جسمك لازم طبعا تاكل
أكل صحي ولازم تتمرن وتحافظ على الحركة والرياضة عشان تحافظ على الكتلة العضلية،
وفي نفس الوقت لازم تحافظ على معدل من المشي والرياضة كل يوم عشان تحافظ على
العضلات وتحافظ كمان على قوة عظمك، وده عكس الناس كتير فاكراه إن أنا لازم أريح
جسمي عشان خاطر أحافظ عيه.
مشكلتنا الحقيقية إن إحنا حركتنا بقت
قليلة جدا وأقل من الطبيعي مع إننا مش دولة متطورة تكنولوجيا، ولكن برضو أغلبنا
بعيني من قلة الحركة.
بعشان تتأكد من ده لو أنت لبست أي سمارت
باند اللي هي بتعد عدد الخطوات بتاعتك في اليوم اللي يعني بيتحرك منكم كتير،
حتلاقي على خطواتك، ما تزيدش عن 5000 خطوة،
ولو حبيت تحسبتها حتى من غير سمارت باند، أنت
مسافاتك كلها عبارة عن إيه؟ يدوبك وتنزل تتمشى لحد المواصلات، تركب المواصلة،
عربيتك أو السكوتر أو أي وسيلة من وسائل المواصلات و تنزل قريب من الشغل بتاعك أو
الجامعة، وخلاص على كده، عد بقى أنت خطواتك وأنت هتعرف أنت بتمشي قد إيه؟
للأسف أغلبنا بيكسل يمشي وبيستسهل إنه
يركب أي وسيلة من وسائل المواصلات، سواء إذا كانت الخاصة بتاعته أوأي مواصلات
العامة اللي موجودة وأصبح قناعة ، مش بس مقتصر على كبار السن إللي ليهم عذرهم
طبعا، ولكن الشباب بيركبوا مواصلات وبيستسهلوا إن هما يروحوا أقرب مسافات ليهم
باستخدام المواصلات.
أخيرا حافظ على معدل الحركة الكلي يوم ما تقلش
عن 10,000 خطوة، ويا ريت تلعب في الأسبوع تلات مرات على الأقل ساعة في المرة رياضة
عشان تساعد على تقوية عضلاتك، وكمان تحافظ على إن العضم بتاعك يكون قوي ومتين.
صحيح الموضوع متعب وفعلا مجهد بس حتلاقي نتيجة كويسة
جدا لوحافظت على الرياضة والحركة
و خليني هنا أفكركم بأحد المشاهير
إللي كان قال جملة جميلة جدا في أحد الحوارات إللي معقولة معاه بيسألوه، كانت
صحيح، بتروح الجيم كل يوم قال لهم مش أحسن ما أروح للدكاترةواصرف فلوسي على العلاج