من أجمل الحاجات اللي كانت بتحصل لنا
وإحنا أطفال، واللي كانت علامة على بداية الصيف، إن إحنا بنروح البحر أو بنروح
المصيف.
واللي كانت من علاماته المميزة، العوامة،البطة،
وساندويتش الجبنة اللي بيكون مليان رملة وبيكون مميز جد ا في وقتها،
بس أكتر حاجة ما كنتش بحبها في
المصيف هو إن كان جسمي بيحمر، وبعد كده يسود، والوجع الجامد إللي بيكون في جسمي،
وبعد ما تعدي كام يوم تلاقي جسمي بيقشر شبه البطاطس , كانت
آخر وجع.
لحد ما كبرت شوية والسؤال إللي بيجي
في دماغنا كلنا، وإحنا كنا أطفال،
هو احنا ليه بيحصل لنا كده؟
وكانت الإجابة ملخصها إن نحنا بنتعرض للشمس فترة
طويلة، وده رد فعل طبيعي بسبب إن إحنا قعدنا في الشمس ،
طيب وهنا جه السؤال هو أنا بعمل ليه في نفسي
كده؟
فلما قعدت مع عيلتي مع بابا وماما فقلت لهم أنا
مش حابب إن يحصل لي كده تاني، فإيه رأيكم نروح في وقت تاني؟ فكان قرارهم إن إحنا
ننزل من بعد الفجر أو من بعد المغرب، بحيث إن إحنا نبعد عن وقت ذروة الشمس إللي هي
بتكون من 11 لأربعة عصر
، وبعد ما نفذنا الكلام ده لقيت إن ده أجمل
بكتير، وتاني يوم يومنا بيمشي عادي جدا ولا بسمر ولا بحمر ولا حتى في وجع في
الجسم، فهنا قررت إن هو ده بقى النظام الرسمي لأي وقت حنروح فيه البحر، إحنا هنروح
يا إما بعد الفجر، يا إما حنروح بعد المغرب لحد ما كبرنا، وطبعا كعادة كل الإسكندرانية
لما بيكبرو ما بيروحوش البحر،
طيب هو إحنا ليه بيحصل لنا كده؟
وعشان نفهم ليه بيحصل لجسمنا الأعراض
دي لازم نفهم الأول أشعة الشمس عبارة عن إيه؟
أشعة الشمس تتكون من ثلاث حاجات مهمة:
أول حاجة وهي الأشعة العادية أو الضوء العادي:
دي تقريبا بتكون نسبتها 42%, ودورها الأساسي إن
هي توفر لنا الرؤية،
ثاني نوع من الأشعة وهي الأشعة الالترافيولت (فوق
البنفسجية ):
اللي بتكون عبارة عن تقريبا 53% وده دورها إنها
تحسسنا بالدفا وبالسخونية
تالت نوعه، هو ده أخطر نوع وهي الأشعة تحت
الحمراء
ودي نسبتها بتكون 5%، وصحيح هي نسبتها
صغيرة، ولكنها هي السبب في كل الأعراض اللي بتجيلنا.
سواء إذا كانت مجرد إحمرار في الجلد،
أو سواء إذا كانت بتسبب شوية التهابات أو تجاعيد، أو حتى بعد الشر علينا، وهي إنها
بتسبب السرطانات للجلد
والتلات، أنواع من الأشعة دي بتكون موجودة خلال
اليوم، طول ما الشمس موجودة، بس تركيز الأشعة الضارة إللي هي الألترا فايلوت بيكون
في أشدها في وقت الذروة من الساعة 11:00 الصبح للساعة 4:00 العصر، عشان كده دايما
بنفضل إن إحنا نتجنب التعرض للشمس في الوقت ده.
طيب ييجي السؤال ما نروحش البحر يعني
ولا إيه؟
لا طبعا حنروح البحر، بس في كم حاجة
كده لازم نعملها عشان خاطر نخلي بالنا منها، ويكون كمان يومنا لذيذ، وبعد كده تاني
يوم ما يكونش فيه أي أعراض جانبية، أو بمعنى صح نقضي يومنا عادي،
- أول حاجة إن إحنا بلاش نتعرض للشمس في وقت ذروتها من الساعة 11:00 الصبح للساعة أربعة لإن إحنا زي ما قلنا من شوية بيكون تركيز الأشعة ال بيكون في أشدها ودي بتسبب الأعراض الجانبية ديت،
- لازم نستخدم واقي شمس وواقي شمس يكون
مناسب لينا ودة بيتحط كل شوية وهي معلومة حابب أؤكد عليها
واقي الشمس بيتحط كل ساعة أو كل ساعتين حسب نوع كل واحد مش مرة واحدة بس.
3-تالت حاجة لازم نشرب ميه كتير عشان خاطر جسمنا ما يتعرضش للجفاف ويحصل له لا قدر الله ضربة شمس
.
رابعا : لازم بعد يوم لما يخلص نحط لوشن مرطب للجسم وده لإن بيكون مهم جدا
الحفاظ على بشرتنا خاصة وهي تتعرض لظروف مختلفة خلال اليوم من التعرض للش.
ونزول المية الملحة والخروج منها.
ويا سلام بقى لو بعضنا ما شربش مية
خلال اليوم.
كل ده بيخلي جلدنا وبشرتنا عرضة إن
هما يجيلهم إصابات،
خامس حاجة ودي أهمها، والنبي خدوني معاكم
بقالي كتير ما رحتش
https://www.youtube.com/watch?v=ruUHd5SBjhc&t=23s