الكركم
صباح الفل بقولك ادكتره هو الكركم ده بيعمل ايه
طب اديني فرصة ارد وبعد كده اسال
لا مؤاخذة ادكترة بيعمل ايه بقي
بص يا سيدي الكركم هو "الفانوس السحري" اللي مركون في ضلفة المطبخ وإحنا فاكرينه بس عشان يخلي الرز لونه أصفر في العزومات.
طيب بيعمل الكركم ده في جسمك خد عندك :
١. مضادات الالتهاب: 
عندك وجع في مفاصلك؟ ركبتك بتزيّق وأنت طالع السلم كأنك باب عمارة قديمة؟ الكركم فيه مادة اسمها "كركومين". دي بتدخل الجسم تعمل "خناقة" مع الالتهابات وتطردها بره. ده حرفياً "بروفين" طبيعي بس من غير ما يتعب المعدة.
عندك وجع في مفاصلك؟ ركبتك بتزيّق وأنت طالع السلم كأنك باب عمارة قديمة؟ الكركم فيه مادة اسمها "كركومين". دي بتدخل الجسم تعمل "خناقة" مع الالتهابات وتطردها بره. ده حرفياً "بروفين" طبيعي بس من غير ما يتعب المعدة.٢. صديق الكبد الصدوق: 
الكبد بتاعنا شايل بلاوي من اكل المحمر وكتر النشويات . الكركم بيساعد الكبد ينضف نفسه من السموم .
الكبد بتاعنا شايل بلاوي من اكل المحمر وكتر النشويات . الكركم بيساعد الكبد ينضف نفسه من السموم .٣. عدو الزهايمر: 
لو بتدخل المطبخ تنسى كنت داخل تعمل إيه (زي حالاتي)، فالكركم بيساعد على تنشيط الذاكرة وبيحمي خلايا المخ.
لو بتدخل المطبخ تنسى كنت داخل تعمل إيه (زي حالاتي)، فالكركم بيساعد على تنشيط الذاكرة وبيحمي خلايا المخ. ٤. حارق الدهون (على الهادي): 
بيساعد في عملية الهضم وبيقلل الانتفاخ. يعني بعد أكلة تقيلة، كوباية كركم باللبن (اللبن الذهبي) هتخلي بطنك تهدأ وتقولك "شكراً يا ذوق".
بيساعد في عملية الهضم وبيقلل الانتفاخ. يعني بعد أكلة تقيلة، كوباية كركم باللبن (اللبن الذهبي) هتخلي بطنك تهدأ وتقولك "شكراً يا ذوق".
سر الخلطة (عشان تستفيد صح):الكركم "خجول" شوية، الجسم مبيعرفش يمتصه لوحده. لازم تديله "زقة" بـ رشة فلفل أسود. الفلفل الأسود فيه مادة بتزود امتصاص الكركم بنسبة ٢٠٠٠٪! تخيل؟ (دي مش مبالغة دي كيميا )
تحذير بسيط:لو عندك حصوات مرارة أو بتأخد أدوية سيولة بزيادة، بلاش تدوس جامد في الكركم واسأل دكتورك الأول.. زي ماحنا متفقين .
الخلاصة:
الكركم مش بس للرز.. الكركم كنز! جرب تشربه دافي مع لبن وعسل نحل، وادعي لي
(بس البس مريلة وأنت بتشربه عشان بقعته بـ ٧ أرواح).
نصيحة بقي لو هتشتري من عطار مشهور في منطقتك، حاول تشتري الكركم "حصى" (جذور ناشفة) واطحنه أنت في البيت أو خليه يطحنه قدامك. ليه؟ عشان البودرة الجاهزة أحياناً بيتخلط عليها لون أو دقيق، لكن الحصى ده "أبو أصله" ومحدش يعرف يغشه!
وبس كده كان معكم #الدكتور_محمد_عبد_المطلب
متنسوش تعملوا شير عشان غيرك يستفيد ,
ولو احتجتم اي استفسار تواصلوا معايا https://www.facebook.com/profile.php?id=61564331005456
ومتنسونيش من دعواتكم