كلنا عندنا الشخص ده في العيلة اللي أول ما يحس بوجع في جنبه أو "نغزة" في كعبه، يجري على الصيدلية ويقول: "هات لي كيسين يوروسولفين يا هندسة
عشان الأملاح ذبحاني!".. بس الموضوع مش مجرد فوار بنشربه زي العصير، ده دواء وليه أصول! 
هو اليوروسولفين ده عبارة عن إيه أصلاً؟
الفوار ده مش مادة واحدة، ده "ميكس" ثلاثي قوي:
* بيبرازين (Piperazine): وده وظيفته يخلي حمض اليوريك يدوب في البول وما يترسبش.
* كولشيسين (Colchicine): ده "الإطفائي" اللي بيهدي الالتهاب والوجع الناتج عن نوبات النقرس الحادة.
بنستخدمه إمتى؟ * لما نكون عايزين ندوب "أملاح اليورات" ونمنعها تعمل حصوات.
* في حالات النقرس (Gout) المزمنة أو الحادة.
* لما يكون فيه وجع في المسالك البولية بسبب الأملاح.
طيب وإيه "المطب" اللي بنقع فيه؟* مينفعش نعتبره "مشروب رسمي" مع الرنجة والفسيخ أو كل ما ناكل لحمة، لأن استخدامه الغلط أو بجرعات زيادة ممكن يعمل:
* مشاكل في الهضم: إسهال، مغص، أو غثيان (وده بسبب الكولشيسين).
* خطر على الحوامل: ممنوع تماماً في فترة الحمل لأنه قد يسبب تشوهات للأجنة.
* مرضى الكلى والكبد: لازم حذر شديد ومتابعة مع الطبيب لأنهم بيتأثروا جداً بمكوناته.
نصيحة "دكتور" من القلب:
الفوار لوحده مش حل.. لو عندك أملاح يورات عالية، لازم:
* تشرب مياه كأنك نافورة، المياه هي العدو الأول للأملاح.
* قلل "اليوريك أسيد" في أكلك (مش بس اللحمة الحمراء، ده كمان البقوليات والمشروبات الغازية ليهم دور).
* ماتخدش الفوار عمال على بطال، استشيرني أو استشير طبيبك عشان نحدد الجرعة الصح حسب حالتك.
(ملحوظة
: الاملاح انواع ولكل نوع علاج مختلف والاساس انك متاخدش علاج الا لما ترجع للمختص اولا )
: الاملاح انواع ولكل نوع علاج مختلف والاساس انك متاخدش علاج الا لما ترجع للمختص اولا )وبس كده كان معكم #الدكتور_محمد_عبد_المطلب مستني تعليقاتكم تقولوا بتعملوا ايه لما تحسوا بوجع في الجناب واخدتم الفوار ده قبل كده