التلفاست
"مناخيرك سايبة وعينك بدمع؟" .. حكايتنا النهاردة عن "تلفاست"لو بتعاني من حساسية الجيوب الأنفية، أو حكة الجلد (الارتيكاريا)، أكيد اسم تلفاست (Telfast) مر عليك.
بس إيه اللي بيخليه مميز عن غيره؟ وليه الدكاترة بتحبه؟ تعالوا نفهم ببساطة:
هو عبارة عن إيه؟المادة الفعالة فيه اسمها فيكسوفينادين (Fexofenadine). دي مادة من عيلة "مضادات الهيستامين" الجيل التاني. الهيستامين ده هو المادة اللي جسمك بيفرزها لما بيشوف تراب أو حبوب لقاح، وهي اللي بتعمل العطس والرشح والهرش. التلفاست بيدخل يقفل "المستقبلات" دي ويقول للهيستامين: "مش هتعرف تعمل حاجة النهاردة!".
ليه التلفاست "برنس" في نفسه؟أهم ميزة فيه إنه Non-Sedating. يعني مش بينيم ولا بيخليك "مأنتخ" زي الأدوية القديمة. تقدر تاخده وتروح شغلك، تسوق عربيتك، أو تذاكر وأنت فايق تماماً.
التركيزات والجرعة:* تلفاست 120 مجم: ده التخصص بتاعه "حساسية الأنف" (عطس، رشح، حكة في الزور).
* تلفاست 180 مجم: ده التقيل بتاع "حساسية الجلد" والهرش والارتيكاريا.
* تلفاست شراب: مخصص للأطفال بتركيز يناسبهم.
الجرعة المعتادة :
هي قرص واحد يومياً، ويفضل يكون بعيد عن الأكل (ساعة قبل الأكل أو ساعتين بعده) عشان الامتصاص يكون في أحسن حالاته.
ممنوعات التلفاست (خلي بالك):عصائر الفاكهة: بلاش تشربه مع عصير برتقال أو جريب فروت أو تفاح، لأنهم بيقللوا مفعوله جداً. الماية هي الصديق الوفي هنا.
الحوامل والمرضعات: لازم استشارة طبيب قبل الاستخدام (ممنوع من تلقاء نفسك).
مرضى الكلى: الجرعة لازم تتظبط عن طريق الدكتور المعالج.
وبعد كل ده لازم تسال طبيبك او تسالني قبل ماتاخده
وبس كده كان معكم #الدكتور_محمد_عبد_المطلب
متنسوش تعملوا شير عشان غيرك يستفيد ,
ومتنسونيش من دعواتكم